"Падарожжа па славутых мясцінах Магілёва"

22 красавіка у класах прайшло мерапрыемства "Падарожжа па славутых мясцінах Магілёва". Вучні адгадвалі гістарычныя мясціны сваёй малой Радзімы, знаеміліся з мінулым свайго роднага куточка.

Опубликованно 22.04.2021 г.

Духі майго краю

Наш родны пасёлак Грабянёва зачароўвае сваім каларытам і нераўторнасцю. Ён акружаны лясамі, лугамі, балотамі, азёрамі і рэчкай. Не дзіва, што тут жывуць легенды і паданні пра духаў і міфічных істот. У чарговы чацвер, 8 красавіка, у школе адбылася невялічкая літаратурна-тэатральна гульня "Духі майго краю". Вучні выступалі ў ролі розных беларускіх міфічных істот: Лесуна, Хатніка,  Вазілы, Палясі, Жэўжыка, Багана, Хута і іншых. Яны расказвалі пра сваіх герояў вершы, а пасля ўсе слухачы і гледачы павінны былі суаднесці малюнкі духаў з іх назвамі. Мерапрыемства было незвычайнае і вельмі цікавае. (Фотоотчет)

Опубликованно 12.04.2021 г.

Дзень загадак, крыжаванак, рэбуссў.

Чацвер, 18 сакавіка,  прымусіў вучняў прадэманстраваць сваю кемлівасць, фантазію і эрудыцыю. У гэты дзень дзеці імкнуліся разгадаць прапанаваныя крыжаванкі, адказаць на цікавыя пытанні. Асабліва ііх зацікавілі рэбусы на пэўныя тэмы "Школа", "Птушкі " і гэтак далей. Не ўсё атрымоўвалася лёгка і адразу. Тым прыемнейшай была перамога. Многія вучні ўпершыню разгадвалі рэбусы. Яны вучыліся ў больш дасведчаных і былі вельмі захоплены цікавай дзейнасцю. (Другие фото)

Опубликованно19.03.2021 г.

Усе кветкі Вам, цудоўныя стварэнні!

Напярэдадні Міжнароднага жаночага дня, у чарговы чацвер, 4 сакавіка, вучні нашай школы вырашылі павіншаваць  настаўнікаў - жанчын і ўсіх іншых супрацоўніц школы па-беларуску. На кожны кабінет былі    прымацаваны каляровыя  паштоўкі з самымі шчырымі і добрымі пажаданнямі на роднай мове. (Фото)

Опубликованно 05.03.2021 г.

Міжнародны дзень роднай мовы

21 лютага адзначаецца Міжнародны дзень роднай мовы. Гэты дзень прызначаны нагадаць усім людзям,  што трэба любіць і шанаваць сваю мову, бо без яе няма нацыі, няма народа. Роднай беларускай мове быў прысвечаны шэраг мерапрыемстваў у школе 13. Ва ўсіх класах прайшлі інфармацыйныя і класныя гадзіны "Скарбы роднай мовы", "Зямля пад белымі крыламі", "Беларусам я завуся" і іншыя. Таксама была праведзена моўная акцыя "Маё любімае беларускае слова",  марафон  моўных гульняў.  У  чацвер вучні ўдзельнічалі ў Рэспубліканскім конкурсе "Буслік", выконваючы вельмі  цікавыя і пазнавальныя заданні. Акрамя гэтага быў наладжаны прагляд беларускіх мультфільмаў і праслухоўванне вядомых беларускіх песень. Тыдзень прайшоў ярка, насычана  і пазнавальна. Мы любім родную мову! (Другие фото)

Опубликованно 19.02.2021 г.

Прырода майго краю

Прырода Беларусі багатая і непаўторная. Есць у нас шмат запаведнікаў і заказнікаў, якія вабяць турыстаў паназіраць за  шматвекавымі дубровамі , карлікавымі соснамі,  казачнымі малюнкамі нашай прыроды. У чацвер, 11 лютага, вучні  нашай школы таксама мелі магчымасць паназіраць за разнастайным прыроднымі светам  сваёй краіны, праглядаючы відэафільмы. Таксама вучням  была прадэманстравана прэзентацыя лекавых раслін з апісаннем іх карысных свойстваў. Дзеці ўдзельнічалі ў абмеркаванні і дапаўнялі прэзентацыю вядомымі ім лекавымі раслінамі і кветкамі.

Подробнее...

Мой родны кут, як ты мне мілы!

Мой родны кут, як ты мне мілы! Чацвер, 4 лютага, быў прысвечаны роднаму  краю. На хвілінах роднай мовы вучні чыталі  вершы беларускіх паэтаў пра Радзіму. Потым вучні 8б класа  зрабілі маляўнічы стэнд з вершамі і выявамі прыгожых беларускіх краявідаў і памятных мясцін Беларусі. Усе жадаючыя маюць магчымасць затрымацца каля стэнда і далучыцца да мілагучнага роднага слова і прыгажосці сваёй Бацькаўшчыны.

Подробнее...

"Запаведнымі сцежкамі беларускай зямлі

У чацвер, 28 студзеня, настаўнік біялогіі Бельская А. В. прапанавала вучням прагляд і абмеркаванне цудоўнага дакументальнага  фільма "Запаведнымі сцежкамі беларускай зямлі". Гэта маляўнічая кінастужка дапамагла вучням зразумець багацце і непаўторнасць жывёльнага свету Беларусі, пазнаёміла з рэдкімі відамі, якія знаходзяцца пад пагрозай знішчэння. Гэты фільм сагравае душу, застаўляе задумацца пра адказнасць чалавека перад прыродай. Вучні  з захапленнем глядзелі кінафільм і слухалі цікавыя каментарыі на  мілагучнай, прыгожай беларускай мове.

Подробнее...

Беларускія стравы

Чацвер, 21 студзеня выдаўся вельмі "смачным '", бо гутарка ішла пра беларускую кухню. Вучні зрабілі цікавыя насценгазеты, дзе раскрылі асаблівасці беларускай нацыянальнай кухні, размясцілі выявы беларускіх страў,  карысныя рэцэпты для жадаючых нешта смачнае згатаваць, а таксама прапанавалі загадкі пра ежу.

      

Опубликованно 21.01.2021 г.

Таямніцы роднай мовы

14   студзеня вучні нашай школы  маглі паўдзельнічаць у інтэрактыве "Таямніцы роднай мовы'. Яны выконвалі моўныя заданні, успаміналі прыказкі, фразеалагізмы, адгадвалі загадкі. Таксама школьнікі рабілі яркія кветачкі з упісанымі ў сарцавінку прыгожымі беларускімі словамі, перакладалі гэтыя словы і ўпрыгожвалі кветачкамі дошку. Атрымаўся вельмі прыгожы і карысны букет.

Подробнее...