Прырода майго краю

Прырода Беларусі багатая і непаўторная. Есць у нас шмат запаведнікаў і заказнікаў, якія вабяць турыстаў паназіраць за  шматвекавымі дубровамі , карлікавымі соснамі,  казачнымі малюнкамі нашай прыроды. У чацвер, 11 лютага, вучні  нашай школы таксама мелі магчымасць паназіраць за разнастайным прыроднымі светам  сваёй краіны, праглядаючы відэафільмы. Таксама вучням  была прадэманстравана прэзентацыя лекавых раслін з апісаннем іх карысных свойстваў. Дзеці ўдзельнічалі ў абмеркаванні і дапаўнялі прэзентацыю вядомымі ім лекавымі раслінамі і кветкамі.

Подробнее...

Мой родны кут, як ты мне мілы!

Мой родны кут, як ты мне мілы! Чацвер, 4 лютага, быў прысвечаны роднаму  краю. На хвілінах роднай мовы вучні чыталі  вершы беларускіх паэтаў пра Радзіму. Потым вучні 8б класа  зрабілі маляўнічы стэнд з вершамі і выявамі прыгожых беларускіх краявідаў і памятных мясцін Беларусі. Усе жадаючыя маюць магчымасць затрымацца каля стэнда і далучыцца да мілагучнага роднага слова і прыгажосці сваёй Бацькаўшчыны.

Подробнее...

"Запаведнымі сцежкамі беларускай зямлі

У чацвер, 28 студзеня, настаўнік біялогіі Бельская А. В. прапанавала вучням прагляд і абмеркаванне цудоўнага дакументальнага  фільма "Запаведнымі сцежкамі беларускай зямлі". Гэта маляўнічая кінастужка дапамагла вучням зразумець багацце і непаўторнасць жывёльнага свету Беларусі, пазнаёміла з рэдкімі відамі, якія знаходзяцца пад пагрозай знішчэння. Гэты фільм сагравае душу, застаўляе задумацца пра адказнасць чалавека перад прыродай. Вучні  з захапленнем глядзелі кінафільм і слухалі цікавыя каментарыі на  мілагучнай, прыгожай беларускай мове.

Подробнее...

Беларускія стравы

Чацвер, 21 студзеня выдаўся вельмі "смачным '", бо гутарка ішла пра беларускую кухню. Вучні зрабілі цікавыя насценгазеты, дзе раскрылі асаблівасці беларускай нацыянальнай кухні, размясцілі выявы беларускіх страў,  карысныя рэцэпты для жадаючых нешта смачнае згатаваць, а таксама прапанавалі загадкі пра ежу.

      

Опубликованно 21.01.2021 г.

Таямніцы роднай мовы

14   студзеня вучні нашай школы  маглі паўдзельнічаць у інтэрактыве "Таямніцы роднай мовы'. Яны выконвалі моўныя заданні, успаміналі прыказкі, фразеалагізмы, адгадвалі загадкі. Таксама школьнікі рабілі яркія кветачкі з упісанымі ў сарцавінку прыгожымі беларускімі словамі, перакладалі гэтыя словы і ўпрыгожвалі кветачкамі дошку. Атрымаўся вельмі прыгожы і карысны букет.

Подробнее...

Са святам!

Чацвер, 24 снежня, выпаў на апошні дзень другой навучальнай чвэрці. У гэты дзень у школе адбывалася сапраўднае свята з песнямі і музыкай, пажаданнямі і гульнямі. Удзельнікі ўзорнага ансамбля " Крыніца"  падрыхтавалі тэатралізаванае відовішча на навагоднюю і калядную тэматыку. А ад шчырага  гаспадара надыходзячага года Бычка вучні і настаўнікі атрымалі шмат яркіх паштовак з добрымі, цёплымі  віншаваннямі і пажаданнямі.

         

Подробнее...

Шукаем зімовыя словы

У чацвер, 17 снежня, вучні  ўспаміналі  зімачку-зіму. Яны адшуквалі цікавыя зімовыя словы. Часцей за ўсё гучалі наступныя:завея, снежань, Новы год, ялінка, Дзед Мароз, Снягурка, студзень, завіруха, сняжынка, шэрань, Каляды. Відаць, у дзяцей добры, святочны настрой  напярэдадні чароўнага Новага года.

                        

Опубликованно 18.12.2020 г.

Яны нарадзіліся зімой

У чацвер, 10 снежня, у школе была наладжана выстава насценгазет, якія знаёмілі вучняў і настаўнікаў з беларускімі пісьменнікамі-юбілярамі  гэтай зімы. Вучні 8а класа раздрукавалі  партрэты юбіляраў, іх біяграфічныя звесткі,  паведамленні аб творчых шляхах пісьменнікаў. На ўроках прайшлі інфармацыйныя хвілінкі  па дадзенай тэме.

 

Подробнее...

Шукаем напеўныя, шчырыя словы

Беларуская мова лічыцца адной з самых мілагучных моў свету. У ёй шмат гаваркіх слоў, прыгожых  звонкіх назваў. 3 снежня  вучні ўсіх класаў удзельнічалі ў інтэрактыве "Шукаем напеўныя, шчырыя словы". Дзеці ўспаміналі прыгожыя  беларускія назвы,  звярталіся за дапамогай да слоўніка. Самымі актыўнымі былі вучні 5-х класаў і 8а класа. Іх "слоўныя скарбонкі" аказаліся самымі поўнымі.

Подробнее...

Пясняр зямлі пад белымі крыламі

Сёння, 26 лістапада, школа ўзгадвала дзень нараджэння славутага беларускага пісьменніка, годнага сына сваёй зямлі, Уладзіміра Караткевіча. Вучні 6-х і 8-х класаў зрабілі змястоўныя і яркія насценгазеты, якія знаёмяць з жыццём пісьменніка і паэта, з цікавымі звесткамі пра  яго, з партрэтамі таленавітага чалавека і яго сям'і. Вучні 9-х і 10-х класаў мелі магчымасць паўдзельнічаць у тэматычнай віктарыне. На дзвярах кожнага класа размясціліся вершы У. Караткевіча пра Радзіму, каханне, жыццё... І кожны жадаючы мог дакрануцца да паэтычных таямніц яго душы. А яшчэ ў сацыяльных сетках педагог-арганізатар размясціла цікавую і карысную інфармацыю пра таленавітага песняра зямлі пад белымі крыламі.

Опубликованно 27.11.2020 г.